Суғд: 1284,3 гектар боғи нав бунёд шуд

Душанбе, 08.07.2015 (АМИТ «Ховар», Рафоати Абдулҳамид).- Дар вилояти Суғд тӯли нимсолаи якуми соли 2015 дар ҳамаи бахшҳои хоҷагиҳо 1284,3 гектар боғи нав бунёд  шудааст.
Тавре ки Хадамоти матбуоти раиси вилояти Суғд хабар додааст, аз масоҳати умумии боғҳо дар 223,4 гектар ниҳолҳои мевагиҳои тухмдор, дар 1040,4 гектар ниҳолҳои мевагиҳои донакдор, дар 5,8 гектар ниҳолҳои мевагиҳои мағздор, дар 12,4 гектар ниҳолҳои субтропикӣ ва дар 2,2 гектар ниҳолҳои ситрусӣ шинонда шудаанд.
Дар ин давра инчунин дар 87,7 гектар токзори нав бунёд  шудаанд.