Суғд: Таъмири беш аз 3000 км роҳ дар соли 2015

Хуҷанд, 08.07.2015. (АМИТ «Ховар», Абдуаҳад Шарифзода).- Дар вилояти Суғд соли равон тибқи барномаи вилоятии «Соли 2015 — идомаи соли роҳҳои обод» дар нақша таъмири беш аз 3100 км роҳҳои қаламрави вилоят дар назар аст, ки баҳри амалишавии он аз буҷаи вилоятӣ зиёда аз 91 миллион сомонӣ маблағ ҷудо шудааст. 
Тавре ки аз  идораи таъмири роҳҳои вилояти Суғд иттилоъ доданд, то 1 июли соли ҷорӣ дар ҳудуди вилоят 1954,26 километр роҳ аз таъмир бароварда шуда, аз он 28,31 км роҳ пурра мумфарш, 675,65 километр роҳи маҳаллӣ аз таъмири ҷорӣ бароварда шуда, 1250,3 км роҳ шағалпӯш шудааст.
Бояд гуфт, ки соли сипаришудаи 2014 дар қаламрави вилоят дар раванди барномаи мазкур ҳолати беш аз 2800 км роҳ беҳтар гардид.