Телефони боварии Кумитаи кор бо занон ва оила фаъол гардид

Душанбе, 24.07.2015 (АМИТ «Ховар», Лайло Тоирӣ),-  Дар назди Кумитаи кор бо занон ва оилаи назди Ҳукумати ҶТ машваратгоҳи равоншиносон ташкил шуда, телефони боварӣ низ ба кор шуруъ намуд, -гуфт зимни нишасти матбуотӣ раиси Кумитаи кор бо занон ва оила Махфират Хидирзода имрӯз, 24 июл. 
Кумита бо мақсади бештар фаро гирифтани аҳолӣ бо машваратҳои ҳуқуқӣ ва равонии ройгон теъдоди марказҳои машваратӣ-иттилоотии ноҳиявиро ба  110 адад расонид. 
Дар шаш моҳи соли 2015 ба кумита 89 аризаи хаттии шаҳрвандон ворид гардида, 631 муроҷиати шифоҳии шаҳрвандон ба қайд гирифта шудааст. 
“Акнун заноне, ки мушкилии хонаводагӣ доранд, метавонанд аз тариқи  телефони боварӣ муроҷиат намуда, бо роҳи маслиҳату машварат мушкилашонро бо нигоҳ доштани сирри оила  ҳал намоянд”,-гуфт раиси кумита.