Вусъати бунёдкориҳо дар Норак

Норак, 08.07.2015. (АМИТ «Ховар», Субҳониддини Маҳмуд).- Соли равон дар шаҳри Норак як силсила иншооти  хизматӣ, аз қабили нуқтаи фурӯши сӯзишворӣ ба маблағи 272 ҳазор сомонӣ, нуқтаи савдо ба маблағи 152 ҳазор сомонӣ ва нуқтаи хизматрасонии интернетӣ ба маблағи 196 ҳазор сомонӣ ба истифода дода шуд.                                                                                                                                                                 Ба иттилои сармеъмори шаҳри Норак Шуҳрат Азимов дар айни замон иншооти зиёде  дар ҳудуди шаҳр ва берун аз он   бунёд шуда истодаанд. Аз ҷумла, ду мактаби таҳсилоти умумии сеошёна аз ҳисоби маблағҳои грантӣ, бинои  осорхона дар маркази шаҳр аз ҳисоби буҷети шаҳр,  маркази  фароғатӣ дар ҳудуди боғи марказии шаҳр аз хисоби буҷети маҳаллӣ ва аз ҳисоби соҳибкор Нур Табаров дар ҷамоати деҳоти Дуконӣ   мактаби ду ошёна бунёд мешавад.