850 ҳазор кӯдак дар Яман аз норасоии ғизо азият мекашанд

Душанбе, 12.08.2015. (АМИТ «Ховар», Баҳманёр Маҳмудзода). — Созмони Милали Муттаҳид эълом кард, ки бар асари даргириҳои шадид дар Яман 850 ҳазор нафар кӯдак дучори норасоии ғизо гардидаанд.
 Ба иттилои расонаҳои хориҷӣ гузоришгари вижаи Созмони Милали Муттаҳид бо зикри ин матлаб изҳор доштааст, ки тибқи бароварди онҳо дар Яман 850 ҳазор кӯдак аз норасоии ғизо мавриди азият қарор гирифта, 14 миллион аҳолии ин кишвар ба маводи ғизоӣ дастрасии кофӣ надоранд. 
Ба гуфтаи ӯ гурӯҳҳои мусаллаҳ маҳалҳои истиқоматии ғайринизомиёнро дар Яман муҳосира кардаанд ва аксар вақт ба вуруди кумакҳои башардӯстона монеъ мешаванд.