Ҳайати фарҳангии Тоҷикистон озими Русия мегардад
Душанбе, 10.08.2015.(АМИТ «Ховар», Марзия Саидзода).- 12 август дар пойтахти Русия -шаҳри Маскав Рӯзҳои фарҳанги Ҷумҳурии Тоҷикистон расман оғоз меёбад. Дар иртибот фардо 11 август гурӯҳи ҳунармандони тоҷик ба Маскав сафар мекунанд. Ҳайати ҳунармандони тоҷикро ба ин кишвар Сайфиддин Давлатзода -сардори Раёсати илму маърифати Дастгоҳи иҷроияи Президенти кишвар ва Бунафша Одинаева-муовини вазири фарҳанги ҷумҳурӣ роҳбарӣ менамоянд.
Олимҷон Акрамов- сардори Раёсати санъати Вазорати фарҳанги ҷумҳурӣ дар суҳбат ба хабарнигори АМИТ «Ховар» гуфт, ки дар тӯли чор рӯз ҳунармандони гурӯҳи рақсии «Базморо», ансамбли доиранавозони Хуҷанд, инчунин ҳунарманди Мардумии Тоҷикистон Миралӣ Достиев, овозхонҳои хушсалиқа Ҳасан Ҳайдар, Ҳуҷастаи Мирзовалӣ, Фотима Машрабова, Фирдавс Ҳошимов ва гурӯҳи мутрибон дар шаҳрҳои Маскав ва Калининград санъати волои тоҷиконро муаррифӣ менамоянд.
Ҳамзамон дар доираи баргузории Рӯзҳои фарҳанги Тоҷикистон дар Русия намоиши либосҳои миллӣ- маҳсули дастони тарроҳ Хуршед Сатторов ва намоиши аксҳои суратгир Шуҳрат Ёров ташкил карда мешаванд.
Ҳадаф аз баргузории Рӯзҳои фарҳанги Тоҷикистон дар Русия таҳкими ҳамкории фарҳангии Тоҷикистону Русия арзёбӣ гардида, дар самти муаррифии фарҳанги қадимаи тоҷикон ба мардуми рус нақши муассир хоҳад гузошт.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
