Аксияи гуманитарӣ барои зарардидагони офати табиӣ дар Брюссел

Брюссел, 18.08.2015 (АМИТ «Ховар»,).-Дар шаҳри Брюссел бо иқдоми Ҷамъияти тоҷикони муқими Шоҳигарии Белгия, Шоҳигарии Нидерланд ва Гертсогии Бузурги Люксембург ва бо дастгирии Сафорати Тоҷикистон дар шаҳри Брюссел аксияи гуманитарӣ ҷиҳати кумак ба зарардидагони офати табиӣ дар Тоҷикистон баргузор гардид.
Дар чорабинӣ кормандони сафорат, Консули фахрии Тоҷикистон дар Шоҳигарии Белгия, аъзоёни Ҷамъияти тоҷикони муқими Шоҳигарии Белгия, Шоҳигарии Нидерланд ва Гертсогии Бузурги Люксембург ва дӯстони Тоҷикистон, ки дар кишварҳои Бенилюкс истиқомат менамоянд, иштирок намуданд.
Дар анҷоми аксияи гуманитарӣ маблағи ҷамъшуда ба суратҳисоби махсуси Бонки давлатии амонатгузории «Амонатбонк» интиқол дода шуд.