Ҷаласаи кории Кумитаи рушди маҳал баргузор шуд

Душанбе, 22.08.2015. (АМИТ «Ховар»).- Дар Кумитаи рушди маҳали назди Президенти Ҷумҳурии Тоҷикистон вобаста ба баррасии натиҷаҳои сафари мутахассисони кумита ба навоҳии Бадахшон ва водии Рашт маҷлиси корӣ  баргузор гардид. Гурӯҳҳои корӣ аз натиҷаи сафари корӣ ба шаҳру навоҳии Бадахшон ва водии Рашт  гузориш дода, оид ба ҷараёни корҳои барқарорсозӣ дар маҳал муҳокимаронӣ карданд.  Ҳамзамон Қосим Роҳбар ёдовар шуд, ки тақвият додани ҳамкорӣ бо вазорату идораҳои дахлдор ва мақомоти иҷроияи ҳокимияти давлатӣ дар маҳалҳо тадбири афзалиятноки фаъолияти воҳидҳои сохтории Кумита мебошад ва ба аъзои гурӯҳи корӣ барои пешниҳоди ҳисоботи муфассал аз натиҷаи сафар дастур дод. Таъкид карда шуд, ки татбиқи саривақтӣ ва босифати қарори Ҳукумати Ҷумҳурии Тоҷикистон аз 24 июли соли 2015, таҳти рақами 470 «Дар бораи чораҳои аввалиндараҷаи рафъи оқибатҳои офатҳои табиӣ дар Ҷумҳурии Тоҷикистон» вазифаи аввалиндараҷаи кормандони кумита мебошад.