Ҳалокати 57 нафар бар асари ҳамлаҳои пайиҳами «Давлати исломӣ» дар Ироқ

Душанбе, 11.08.2015. (АМИТ «Ховар»). — Дар натиҷаи ду таркиши шадид дар вилояти Диёлаи қисми шарқии Ироқ 57 нафар ҳалок шуда, 85 тани дигар маҷрӯҳ гардиданд. 
Тибқи иттилои расонаҳои хабарӣ, таркиши аввал дар шаҳри Баъқуба ва дуюмаш чанде баъд дар шаҳри Канъон ба вуқӯъ пайваст. Террористони номаълум автомобили сабукрави дорои таҷҳизоти таркандаро дар наздикии яке аз марказҳои тиҷоратӣ ва  биноҳои истиқоматӣ  тавассути дастгоҳи фосилавӣ таркониданд. Аз зарбаи сахти таркиш даҳҳо автомашинаҳои канори роҳ ва чанд марказҳои тиҷоратӣ пурра ва қисман хароб шуданд.
Масъулияти ин силсилатаркишҳоро гурӯҳи ифротии ба ном «Давлати исломӣ» бар ӯҳда гирифт.