Ҷамъбасти мусобиқаи «Варзиш бе маводи мухаддир»
Душанбе, 25.08.2015 (АМИТ «Ховар»).- Вазорати корҳои дохилӣ дар ҳамкорӣ бо Бюрои САҲА дар Тоҷикистон бахшида ба таҷлили 24-умин солгарди Истиқлолияти Ҷумҳурии Тоҷикистон мусобиқаи кушоди даставӣ оид ба «Футболи хурд» таҳти шиори «Варзиш бе маводи мухаддир» миёни дастаҳои ҷузъу томҳои мақомоти корҳои дохилӣ, ки тӯли як моҳ идома дошт, ғолибонро муайян кард.
Тавре дар ин бора аз Вазорати корҳои дохилӣ хабар доданд, дирӯз 24-уми август даври ниҳоии мусобиқа баргузор гардид, ки дар он 24 даста аз тамоми ҷузъу томҳои мақомоти корҳои Вазорати корҳои дохилӣ фаъолона иштирок намуданд. Дар ин мусобиқа дастаҳои Дастгоҳи Марказии ВКД мақоми аввал ва РВКД дар вилояти Хатлон мақоми дуюм ва ғолиби мусобиқаи имсолаи байни ҷузъу томҳои мақомоти корҳои дохилӣ эълон шуданд. Барои ишғоли ҷойи сеюм дастаҳои Академияи ВКД ва ШВКД дар ноҳияи Варзоб бозӣ доштанд.
Ба ғолибони мусобиқа аз ҷониби кумитаи тадорукотии ШҶ «Динамо»-и ВКД бо Ҷом, медал, диплом, ифтихорнома ва туҳфаҳои хотиравӣ сарфароз гардонида шуданд.
17 июл дар якчанд идора нишасти матбуотӣ баргузор мегардад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
