Ҳамкориҳои мутақобилан судманди Тоҷикистону Чин

Душанбе, 06.08.2015. (АМИТ «Ховар», Фарзонаи Давлат).- Баррасии ҳамкориҳои мутақобилан судманди иқтисодӣ миёни Ҷумҳурии Тоҷикистон ва Ҷумҳурии Халқии Хитой аз мавзуъҳои асосии вохӯрии Вазири рушди иқтисод ва савдо Неъматулло Ҳикматуллозода бо  собиқ Мушовири Канселярия оид ба масъалаҳои тиҷоратию иқтисодии Сафорати ҶХХ дар Душанбе ҷаноби Ли Юе ва Мушовири навтаъиншудаи Канселярия ҷаноби Сун Ян маҳсуб меёфт, чанде пеш дар Вазорати рушди иқтисод ва савдо доир гардид.
Бино ба иттилои Вазорати рушди иқтисод ва савдои кишвар, ҳангоми мулоқот ҷонибҳо дар атрофи рушди ҳамкориҳои иқтисодӣ, раванди ислоҳоти иқтисодӣ ва татбиқ намудани барномаҳои муштарак мубодилаи афкор намуданд.Дар охир тарафҳо омодагии худро ҷиҳати густариши минбаъдаи ҳамкориҳо дар самтҳои гуногун баён доштанд.