Баррасии масъалаи шомилшавӣ ба гурӯҳҳои терористӣ ва экстремистӣ бо занони Шаҳринав

Душанбе, 13.08.2015. (АМИТ «Ховар», Лайло Тоирӣ).-  Масъалаҳои пешгирии наврасону ҷавонон аз истеъмол ва хариду фурӯши маводи нашъадор, инчунин  шомилшавӣ ба гурӯҳҳои терористӣ, экстремистӣ, ифротгароӣ, ҳизбу ҳаракатҳои тундрав, задухӯрди гурӯҳҳо, нашъамандиву нашъаҷаллобӣ,  ҷинояткориву ҳуқуқвайронкунӣ рӯзи  12 августи соли равон зимни вохӯрии  Кормандони Агентии назорати маводи нашъаовари назди Президенти ҶТ ва  намояндагони Кумитаи занон ва оилаи назди Ҳукумати Ҷумҳурии Тоҷикистон бо занони ҷамоати деҳоти «Чуст» ва «Истиқлол»-и ноҳияи Шаҳринав баррасӣ гардид.
Дар чорабинии мазкур намояндагони бахши занон ва раисони маҳаллаҳои ноҳияи мазкур низ иштирок доштанд. 
Бино ба иттилои хадамоти матбуоти АНМН, дар мулоқот филми «Роҳи торик» оид ба  шомилшавии ҷавонон ба ҳар гуна омилҳои номатлуб ва гурӯҳҳои ифротгаронишон дода шуд. 
Дар охири чорабинии мазкур ба ҳамаи иштирокчиён варақаҳои иттилотӣ ва буклетҳо тақсим карда шуданд.