Боздиди Р. Раҳимзода аз рафти корҳои сохтмонии хобгоҳи Коллеҷи милитсия дар Кӯлоб

Душанбе, 08.08.2015, (АМИТ «Ховар»). — Имрӯз дар доираи сафари корӣ ба шаҳри Кӯлоб вазири корҳои дохилии кишвар Рамазон Раҳимзода ба Коллеҷи милитсияи Вазорати корҳои дохилӣ дар шаҳри Кӯлоб ташриф оварда, аз ҷараёни корҳои сохтмонии бинои хобгоҳи Коллеҷи мазкур аз наздик ошноӣ пайдо кард.
Мавриди қайд аст, ки бинои хобгоҳи мазкур аз таҳхона ва ду ошёна иборат буда, дар он тамоми шароити зарурӣ барои зиндагӣ намудани курсантони Коллеҷи милитсия пешбинӣ гардидааст.
Ҳоло дар ин бино корҳо қариб анҷом ёфта, шинонидани дару тиреза, таъмир ва рангу бори он ҷараён дорад.
Вазири корҳои дохилӣ ҷиҳати вусъат бахшидани корҳои сохтмонӣ ва бартараф намудани камбудиҳои ҷойдошта ба масъулини соҳа як қатор дастуру супоришҳои мушаххас дод.