Бозгашт аз Сурия: «Ҳеҷ бовар намекардам, ки моро аз ҷавобгарӣ озод мекунанд»
Душанбе, 15.08.2015,(АМИТ «Ховар»).- Шоми дирӯз аз боздоштгоҳи тафтишотии шаҳри Душанбе ду нафар ҷавони тоҷик, ки ба доми фиребу найранги таблиғгарони гурӯҳи террористии ба ном «Давлати исломӣ» афтода, ба Сурия рафта буданд ва пушаймон шуда ба Ватан баргаштанд, аз маҳбас озод шуданд. Қосимов Парвиз ва Қаландаров Самандар ин шаҳрвандони 20 ва 25 солаи Тоҷикистонро дар назди боздоштгоҳи тафтишотӣ падару модар ва хешу табор бо ашки шодӣ аз озодиашон аз маҳбас истиқбол гирифтанд.
«Ман аз кардаи худ сахт пушаймонам ва тамоми умри боқимондаи худро дар Ватан, дар хизмати падару модар мегузаронам», — гуфт Парвиз Қосимов. Дар баробари ҳамин, Қаландаров Самандар изҳор кард, ки «Ҳеҷ бовар намекардам, ки моро аз ҷавобгарӣ озод мекунанд».
Ёдовар мешавем, ки бо пешниҳоди президенти мамлакат Эмомалӣ Раҳмон ба моддаи 401-и Кодекси ҷиноии Тоҷикистон замимаи 1 илова карда шуд, ки тибқи он ҳар шаҳрванди Тоҷикистон, ки аз ҳаракату амалҳои ҷангӣ дар кишварҳои хориҷӣ ихтиёран даст мекашанд, аз ҷавобгарии ҷиноятӣ озод мегарданд.
Тавре ки ба АМИТ «Ховар» иттилоъ доданд, чорабиниҳо барои баргардонидани ҷавонони фиребхурдаи тоҷик, ки хоҳишманди аз майдонҳои ҷанги Ироқ ва Сурия бозгаштан ба Ватан мебошанд, идома доранд.
Мусоҳибаи муфассал бо бозгаштагон аз Сурия баробари омода шудан дар сомонаи www.khovar.tj нашр мегардад.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
