Д. Гулмаҳмадзода масъулинро муваззаф кард

 Балҷувон, 01.07.2015. (АМИТ «Ховар», Сулаймони Хол).-Раиси вилояти Хатлон Давлатшо Гулмаҳмадзода бо сокинони ноҳияи Балҷувон вохӯрӣ доир  намуд. 
 Дар вохӯрӣ шикояти сокинони ноҳия оид ба мушкилоти роҳ,  сохтмони мактабҳо, бунгоҳҳои тиббӣ, соҳилмустаҳкамкунӣ, кашидани хатти барқ ба деҳаҳо, таъмири осорхона ва сохтмони қасри фарҳанг, кашидани хатти оби нӯшокӣ ва ҷудо намудани замин барои бунёди манзили истиқоматӣ шунида шуда,  баҳри бартараф кардани мушкилоти сокинон шахсони мутасаддӣ муваззаф гардиданд.
  Ёдрас мешавем, ки чунин мулоқоти роҳбарияти вилоят ва идораву ташкилоти вилоят бо шаҳрвандон дар ноҳияҳои дурдаст  низ доир мегардад.