Дабири кулли СММ харобсозии қалъаи қадимаро дар Палмира амали террористӣ номид

Август 25, 2015 09:38

Душанбе, 25.08.2015. (АМИТ «Ховар»). — Дабири кулли Созмони Милали Муттаҳид Пан Ги Мун амали ҷангиёни  гурӯҳи терористии «Давлати Исломӣ»-ро дар харобсозии  қалъаи қадимаи Баалшамини Палмира ва қатли бостоншиносро  дар ин шаҳр маҳкум намуд. 

Дар изҳорот роҳбари маъмурии СММ  амали ифротгароёнро  ҳамлаи террористӣ ва ҷинояти ҳарбӣ  номида, аз  ҷомеаи ҷаҳонӣ  даъват намуд, ки ин созмони террористиро  маҳв намоянд.

 «Ин ҳамлаҳои ваҳшиёнаи террористӣ номгӯи тӯлонии ҷиноятҳои дар чор соли гузашта дар Сурия зидди аҳолии осоишта ва (фарҳангу) мероси кишвар содир гаштаро, афзун менамоянд. Котиби генералии СММ ҷомеаи ҷаҳониро ба муттаҳид шудан ва хотима бахшидан ба фаъолияти ин созмони террористӣ даъват намуд. Ӯ таъкид кард, ки нобудсозии барқасдонаи мероси умумии мо ҷинояти ҳарбист ва  ҷинояткорон бояд ба ҷавобгарии судӣ кашида шаванд ».  

Чанде пеш, бо  даъвати зарбаи ҷавобӣ задан ба ҷангиёни Давлати Исломӣ Директори  генералии ЮНЕСКО Ирина Бокова баромад намуда,  харобсозии қалъаро  «ҷинояти ҳарбӣ»  номид.

 Ба гуфтаи ӯ,  санъат ва меъмории Палмира  «рамзи гуногунҷанба  ва боигарии  қадимаю таърихии Сурия  мебошад». «Ин як талафоти бузург барои тамоми башарият аст», — изҳор намуд И. Бокова.

Август 25, 2015 09:38

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд