Даргузашти раиси Иттифоқи журналистони Тоҷикистон Акбаралӣ Сатторов
Душанбе, 28.08.2015. (АМИТ «Ховар»). — Раиси Иттифоқи журналистони Тоҷикистон Акбаралӣ Сатторов дар синни 51-солагӣ аз олам даргузашт.
Акбари Саттор аз соли 2007 инҷониб раҳбарии Иттифоқи журналистони Тоҷикистонро бар ӯҳда дошт. Ӯ ҳамчунин узви Комиссияи марказии интихобот ва раъйпурсии Ҷумҳурии Тоҷикистон буд.
Ёдовар мешавем, ки А. Сатторов соли 1965 дар деҳаи Мортеппаи ноҳияи Ҳисор ба дунё омада, соли 1990 факултаи журналистикаи Донишгоҳи давлатии Ленинградро хатм кардааст. Ӯ фаъолияти журналистиро аз нашрияи расмии «Ҷумҳурият» оғоз карда, минбаъд дар расонаҳои гуногун идома додааст.
Роҳбарият ва ҳайати эҷодии АМИТ «Ховар» аз даргузашти раиси Иттифоқи журналистони Тоҷикистон Акбаралӣ Сатторов андӯҳгин буда, ба наздикону пайвандони марҳум аз даргоҳи Худованд сабри ҷамил хоҳонанд.
Имрӯз дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
