Ҷиргатол: боғчаи бачагона барои 60 кӯдак

Ҷиргатол,   1.08.2015. (АМИТ «Ховар»,  Зебо   Давлатзода).-Ба иттилои  мудири   маорифи  ноҳияи Ҷиргатол   Пирмаҳмад   Сатторов  дар  давоми  6 моҳи  соли  равон  дар  соҳаи  маорифи ноҳия натиҷаҳои  назаррас  ба даст омаданд. Бо  дастгирии  мақомоти  маҳаллӣ  ва  соҳибкорон  дар  маҳаллаи   Сайрони  ҷамоати  деҳоти  Пилдони ноҳия  як мактаби  ибтидоӣ ва ду синфхонаи  иловагӣ,   дар  маҳаллаи  Калтабулоқи  ҷамоати  шаҳраки  ноҳия  4  синфхонаи  иловагӣ  дар  назди  мактаби  рақами  20, дар  маҳаллаи  Ёрмазори  ҷамоати  деҳоти   Янгишаҳр ду синфхонаи иловагӣ, дар  маҳаллаи  Карчини  ҷамоати  деҳоти   Чиргатол як  толори  варзишӣ, дар  маҳаллаи  Шилбилии   ҷамоати  деҳоти  Сурхоби  ноҳия З синфхонаи   иловагӣ,  дар маркази  маҳаллаи  Чоргули  ҷамоати  деҳоти  Муксу  боғчаи  бачагона ба истифода дода шуда, инчунин  сохтмони  боғчаи  бачагона барои  60    кӯдак  аз  маблағҳои  мақомоти   маҳаллӣ   дар  арафаи  анҷомёбист.