Истихроҷи ангишт ба ним миллион тонна расонида шуд
Душанбе, 24.08.2015 (АМИТ «Ховар», Фарзонаи Давлат).-Вазорати саноат ва технологияҳои нави Ҷумҳурии Тоҷикистон ҷиҳати иҷрои қарори Ҳукумати Ҷумҳурии Тоҷикистон «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2015-2016», бо роҳбарони корхонаҳои соҳа муҳимияти супориши мазкурро фаҳмонида, чораҳои зарурӣ андешида,ҷиҳати иҷрои саривақтии нақшаю уҳдадориҳо вобаста ба таъмин намудани “МБГ Душанбе-2”, аҳолӣ, соҳаҳои маориф ва тандурустӣ ва захираи он то мавсими тирамоҳу-зимистон бо ангишт дастурҳои мушаххас дода аст.
Истихроҷи ангишт аз аввали сол то санаи имрӯз, 24 августи соли ҷорӣ ба зиёда аз 500 ҳазор тонна расонида шудааст, ки дар нисбати ҳамин давраи соли сипаригардида 88,8 ҳазор тонна зиёд мебошад. Фурӯши ангишт дар ин давра 431 ҳазор тоннаро ташкил дод.
Захираи ангишт бо назардошти бақияи ангишти соли сипаригардида дар анбор ва нуқтаҳои фурӯши корхонаҳои соҳаи ангишт то имрӯз 161,3 ҳазор тоннаро ташкил медиҳад.
Дар айни замон, ҳар шабонарўз ба ҳисоби миёна аз 5 то 7,5 ҳазор тонна ангишт истеҳсол гардида, муштариён метавонанд аз нуқтаҳои махсуси фурӯши ангишт ва анборҳои корхонаҳои соҳаи ангишт онро харидорӣ намоянд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






