Кумаки навбатӣ ба осебдидагони Бадахшон аз ҷониби ФИКТ ва «Ҳамсоягии нек»

Хоруғ, 22. 08 2015 (АМИТ «Ховар» Файз Мирҳасан).-Федератсияи мустақили иттифоқи касабаи ҷумҳурӣ ба ҳар оилаи аз офати табиӣ осебдидаи деҳаи Барсем 500 сомонӣ  кумак кард.
Зимни боздид аз шаҳраки хаймавӣ  раиси федератсия Шерхон Одина бо шароити зисти сокинон аз наздик шинос гардида, гуфт, ки бо дастури Сарвари давлат то фаро расидани фасли сармо ҷабрдидагон ҳамаашон ба хонаҳои нави истиқоматӣ хоҳанд кучид. Бо истифода аз имконоти  молӣ  федератсияи итифоқи касаба мекушад дар оянда низ имдоди худро ба офатдидагон расонад.
Дар ин рӯз яке аз ташкилотҳои байналмилалии «Ҳамсоягии нек»-и Ҷумҳурии Корея низ ба оилаҳои зарардида орду равған ва ба фарзандони онҳо  ашёи зарурии хонишро тақдим намуд.