ММД 106,4 фоизро ташкил дод

Душанбе, 1.08.2015. (АМИТ «Ховар», Лайло Тоирӣ).- Маҷмўи маҳсулоти дохилии истеҳсолшуда дар моҳҳои январ — июни соли 2015 аз рўи маълумоти фаврӣ 19 158,7 млн. сомониро ташкил дод, ки нисбат ба моҳҳои январ- июни соли 2014 бо нархҳои муқоисавӣ 106,4 фоизро ташкил медиҳад. Мувофиқи маълумоти пешакии Вазорати молияи Ҷумҳурии Тоҷикистон дар нимсолаи якуми соли 2015 ҳаҷми умумии буҷети давлатӣ ба андозаи 96,7 фоизи нақшаи аниқшудаи ин давра иҷро шуд. Воридоти андозҳо 92,3 фоизи ҳаҷми умумии даромадро ташкил додааст.
Бино ба иттилои Агентии омори назди Президенти ҶТ дар нимсолаи якуми соли 2015 хароҷоти буҷети давлатӣ ба андозаи 83,2 фоизи нақшаи аниқшуда иҷро шуд. Ба тадбирҳои иҷтимоию фарҳангӣ 27,8 фоиз, барои соҳаҳои иқтисодиёт (бо назардошти ҳамаи манбаҳои маблағгузорӣ) 31,2 фоиз, ба суғурта ва ҳифзи иҷтимоӣ 20,8 фоизи ҷамъи маблағ сарф шудааст.