Мунтахаби наврасони то 16-сола дар Норак машқ мекунанд

Душанбе, 14.08.2015 (АМИТ  «Ховар»,  Меҳрони   Қурбон)- Имрӯзҳо  дар доираи  омодагӣ  ба  марҳилаи  интихобии  чемпионати  Осиё-2016  дастаи мунтахаби  наврасони  то 16-солаи  Тоҷикистон  ҷамъомади  омӯзишӣ машқии  худро  дар  Норак  мегузаронад.
Ёдовар  мешавем, ки  сармураббии  даста  Зайниддин  Раҳимов барои иштирок  дар  ин  чорабинӣ  28  нафар  бозигарон, аз  ҷумла  4 дарвозабон, 7 муҳофиз, 10 ниммуҳофиз ва 7 ҳамлагарро  даъват  кардаст.

Бояд  зикр  кард, ки  дар марҳилаи интихобии чемпионати Осиё-2016  дастаи мунтахаби  наврасони  Тоҷикистон  дар гурӯҳи “С” баромад  мекунад. Рақибони  наврасони  мо дар ин  гурӯҳ  дастаҳои  мунтахаби  ҳамсолонашон аз  Ироқ,  Қатар   ва   Туркманистон  мебошанд.  Хотирасон  менамоем, ки  ин мусобиқа  аз 16 то 20 сентябр  дар  давлати  Қатар  баргузор   мегардад.

Ба  марҳилаи  ниҳоии  чемпионати  Осиё-2016, ки  дар  Ҳиндустон  хоҳад гузашт, ғолибони  11 гурӯҳ   ва 4 дастаи  нишондиҳандаҳои  хуб  доштаи  ҳаргурӯҳ  роҳхат  мегиранд.