Намудҳои беҳтарини оши палав
Душанбе, 25.08.2015. (АМИТ «Ховар», Раъно Нусратуллозода).-«Намудҳои беҳтарини оши палави тоҷикӣ» («Изысканные рецепты таджикского плова»)- таҳти чунин унвон китоби Фарҳод ва Усмон Каримовҳо бо забони русӣ ва англисӣ ба табъ расид. Китоби мазкур дар Фестивал-озмуни «Оши палав» муаррифӣ гардид.
Дар ин китоб оид ба 27 номгӯи анъанавии оши палави тоҷикӣ ва намудҳои нави он, дастурамал ва тарзи омода намуданашон маълумот пешниҳод гардидааст. Маълум аст, ки оши палав дар байни таомҳои миллии тоҷикӣ ҷои махсусро ишғол менамояд ва дар таърихи хӯрокпазӣ 100 намуди ош мавҷуд аст, ки аз он 50 намудаш ба феҳристи хӯрокҳои миллии тоҷикӣ дохил мешавад.
Фарҳод Каримов худ яке аз пазандагони машҳур, ташкилкунандаи соҳибтаҷрибаи соҳаи хӯроки ҷамъиятӣ ва тарабхонаҳои Тоҷикистон мебошад. Таҳти роҳбарии ӯ соли 1985 бори аввал маҷмӯаи раҳнамои «Таомҳои миллии тоҷикӣ» барои ташкилоти хӯроки умумӣ таҳия ва нашр гардида буд. Ӯ муаллифи як қатор хӯрокҳои тозаэҷоди фирмавӣ аст. Инчунин Фарҳод Каримов муаллифи китоби дуҷилдаи «Таомҳои миллӣ ва ғановати табиати Тоҷикистон» аст. Ҷилди якуми ин китоб дар намоишгоҳи сеюми байналмилалии китоб дар шаҳри Душанбе барои веросторӣ ва ороиши беҳтарин соҳиби дипломи дараҷаи аввал гардида буд.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






