Олими варзида, муҳаққиқи дақиқназар

Душанбе, 28.08.2015. (АМИТ «Ховар», Ҳотами Шариф).- Тибқи иттилои директори Пажӯҳишгоҳи  забон, адабиёт, шарқшиносӣ ва мероси хаттии Академияи илмҳо Сахидод  Хоркашев бахшида ба 100 -солагии устод Носирҷон Маъсумӣ  моҳи сентябри соли  ҷорӣ конфронси илмӣ доир мегардад.
Устод Носирҷон Маъсумӣ шоир, омӯзгор, ходими намоёни давлатию ҷамъиятӣ ва фолклоршиноси варзида буд. Маҳз бо ташаббус ва роҳбарии бевоситаи  Носирҷон Маъсумӣ китоби рӯимизии ҳар тоҷики бедордил — Фарҳанги забони тоҷикӣ, Луғати русию тоҷикӣ таълиф гардид. Устод Маъсумӣ воқеан андешаю дониши қомусӣ дошт, яъне энсиклопедист буд. Ӯ солҳои сол директори Пажӯҳишгоҳи забон ва  адабиёт, корманди раёсати Академияи улум, ноиби ректори Донишкадаи омӯзгории шаҳри Душанбе ва омӯзгори донишкадаи мазкур буд. Н. Маъсумӣ зодаи деҳаи Қаратоғ буда, дар қатори устод Мирзо Турсунзода яке аз барӯмандтарин фарзонафарзанди миллати тоҷик аст.