Панҷакент: 20 804 ҳолати сабти таваллуд дар шаш моҳ

Панҷакент, 1.08.2015. (АМИТ «Ховар», Гулбаҳори Худойбердӣ).-Ба иттилои мудири бахши Сабти асноди ҳолати шаҳрвандӣ (САҲШ)- и шаҳри Панҷакент Мавҷуда Собирова кормандони бахши мазкур  дар давоми шаш моҳи соли равон дар ҳамкорӣ бо 14 ҷамоати деҳот чанд ҳолати шаҳрвандиро ба қайди давлатӣ гирифтанд, ки аз ин шумора 20 ҳазору 804 сабти таваллуд, 594 сабти вафот, 1144  ҳолати бекор кардани никоҳ ва 614  ҳолати иваз намудани  ному насаб аст. 
Кормандони марказ дар шаш моҳи соли ҷорӣ аз ҳисоби боҷи шаҳодатномаҳои такрорӣ ва иваз намудани ному насаб ба буҷаи маҳаллӣ 123 ҳазору 80  сомонӣ ворид намуданд, ки нисбат ба ҳамин давраи соли гузашта 1100 сомонӣ зиёд аст.