Пирӯзии журналисти ТВ «Суғд» дар озмуни «Кадбонуи беҳтарини сол»
Душанбе, 17.08.2015. (АМИТ «Ховар», Ситораи Боймурод).- Дар озмуни ҷумҳуриявии «Кадбонуи беҳтарини сол» байни бонувони кишвар, ки дар шаҳри Душанбе бахшида ба Соли оила баргузор гардид, журналисти шинохта ва корманди Телевизиони вилояти Суғд Ҳадя Набизода ҷои аввалро соҳиб шуд.
Тавре аз хадамоти матбуоти раиси вилояти Суғд хабар доданд, озмун дар Боғи Ирами шаҳри Душанбе баргузор гашта, дар он аз хар минтақаи кишвар се нафарӣ иштирок доштанд. Тибқи низомнома иштирокдорон бояд ду намуди хӯроки миллии қадимаи тоҷикӣ ва хӯроки аврупоӣ, ҳамчунин ширинию кулчақанд, ҳалво нӯшоба, шарбат омода намуда, тарзу усули хоси оро додани дастурхонро пешкаш менамуданд.
Гуфта мешавад, ки Ҳадя Набизода ба ҳозирон ва ҳайати ҳакамон хӯроки «Кичирии Хуҷанд», ҳалвои кадугӣ, нӯшобаи хуч бо чойкаҳак, хуришҳои мевагӣ ва дигар намудҳои гуногуни ғизоро пешкаш намуда, хусусиятҳои табобатӣ, таъсири мусбии он ба ҳолатҳои равонии инсонро муаррифӣ намуд. Ба ҳайати ҳакамон хусусан маводи ғизоӣ аз сабзавоту меваҷот омода намудаи Ҳадя Набизода, ки хавфи ба бемории саратон дучор шудани инсонро кам мекунад, писанд омад ва аз ҷониби онҳо баҳои баланд гирифт.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
