Роҳи Хоруғ-Мурғоб-Кулма боз шуд

Хоруғ 25.08.2015 (АМИТ «Ховар», Файз Мирҳасан).-Баъди бештар аз як моҳ ва 100 инфиҷори кӯҳӣ имрӯз роҳи мошинагарди Хоруғ-Мурғоб-Кулма дар деҳаи Барсем, ки дар натиҷаи офати табиӣ аз кор монда буд, дубора боз шуд.
Ба иттилои муовини сардори муассисаи нигаҳдории роҳҳои вилоят Хушназар Абдураҳимов, ҳарчанд кушодани ин қитъаи селзадаи роҳ дар охири моҳи сентябри соли равон дар назар буд, аммо меҳнати шабонарӯзии роҳсозони ватанию хориҷӣ ва дастгирии сокинони маҳаллӣ ин рӯзро бамаротиб наздиктар овард.  
Ҳоло  корҳои сохтмонӣ дар бунёди  пули муваққатии мошинагард ва пиёдагард ба дарозии 26 метр ва  паҳноии   3 метр идома дорад. Ин  пул ду маҳаллаи деҳаи Барсемро ба ҳам пайваст vtreyfl.