Рушди ҳунарҳои мардумӣ дар Муъминобод

  Муъминобод, 18.08.2015 (АМИТ «Ховар» Сулаймон  Холов)- Дар шаҳру ноҳияҳои кишвар ҳунармандони мардумӣ зиёданд ва аксари онҳоро занон ташкил медиҳанд. Хусусан дар ноҳияи баландкӯҳи Муъминобод ба ҳунарҳои мардумӣ аҳамияти хоса зоҳир гардида,барои рушди он бахши кор бо занон ва оилаи ноҳия дар якҷоягӣ бо ҳокимияти маҳаллӣ ҳунармандонро дастгирӣ менамоянд. Қисми зиёди ҳунармандони ноҳия аз грантҳои президентӣ бархурдор гардид, доираи фаъолияти худро васеъ намудаанд.
Сайёра Абдуллоева ҳанӯз аз хурдсолӣ ба дӯхтану омода кардани либосхои миллӣ машғул буд. Ҳоло ин зани ботаҷриба духтани чаканию қуроқӣ, порадӯзию қаламарезгиро бо маҳорати баланд иҷро мекунад ва махсулоташ харидори зиёд низ дорад. Ба гуфтаи Сайёра ҳунарҳои дастиаш дар хориҷи кишвар низ харидор ёфтааст.
Офаридаҳояш аз ҳамдигар зеботар буда, бозгӯй фарҳангу таҷассуми маданияти миллӣ мебошанд. Ҳамчунин ӯ ҷавондухтаронро ба омӯзиши касби дӯзандагӣ низ ҷалб кардааст.