Сафари 83 нафар муҳоҷирони меҳнатӣ ба Федератсияи Русия
Душанбе, 5.08.2015. (АМИТ «Ховар», Лайло Тоирӣ).- Бино ба иттилои Раёсати Хадамоти муҳоҷират дар вилояти Суғд ҶДММ «Роҳи Абрешим» аз вилояти Суғд сафарбаркунии навбатии муҳоҷирони меҳнатиро ба Федератсияи Русия ба роҳ монд.
Аз ҷониби ширкати мазкур 83 нафар шаҳрвандони шаҳру ноҳияҳои вилояти Суғд ба Федератсияи Русия сафарбар гардиданд, ки аз инҳо 44 нафар ба вилояти Новосибирск, 39 нафар ба вилояти Тюмен ба муҳоҷират рафтаанд.
Бино ба иттилои Хадамоти муҳоҷират, аз ҷумлаи сафарбаршудагон 9 нафар ноболиғ буда, ҳамроҳи волидон ба Федератсияи Русия сафар намуданд.
Дар радифи сокинони шаҳру ноҳияҳои вилояти Суғд ду нафар сокини вилояти Хатлон ҳам ба ин гурӯҳ шомил буда, ба муддати 1 сол ба муҳоҷират рафтаанд.
Инчунин тибқи маълумоти Раёсати Хадамоти муҳоҷират дар вилояти Суғд дар давоми ҳафт моҳи соли ҷорӣ 8000 нафар ба марказҳои маълумотдиҳии раёсат муроҷиат намуданд.
Имрӯз дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
