Семинар-машваратҳо дар соҳаи китобдорӣ

Август 18, 2015 03:47

Душанбе, 18.08.2015. (АМИТ «Ховар», Ситораи Боймурод).- Тибқи иттилои Китобхонаи давлатии патентию техникии (КДПТ) Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон мутобиқи Қонунҳои  Ҷумҳурии Тоҷикистон «Дар бораи фаъолияти китобдорӣ» ва «Дар бораи иттилоотонӣ» бо мақсади ба роҳ мондани  ҳамкориҳои дуҷониба, тарғибу ташвиқи фаъолияти китобдорӣ, шиносоӣ бо дастовардҳои соҳаи китобдорӣ ва истифодаи он дар кори рӯзмарра, баррасӣ намудани  масъалаҳои ҷойдоштаи соҳаи китобдорӣ дар як қатор китобхонаҳои шаҳру ноҳияҳои ҷумҳурӣ, ташкил ва гузаронидани семинар-машваратҳоро ба нақша гирифтааст.
То ба имрўз маъмурон дар як қатор китобхонаҳои марказонидашудаи ноҳияҳои Данғара, Ҳисор,  Рўдакӣ, Ёвон, Панҷ, Бобоҷон Ғафуров, Шаҳритус, Файзобод,  шаҳрҳои Норак, Ваҳдат, Турсунзода, Қурғонтеппа, Кўлоб, Панҷакент, китобхонаи вилоятии ба номи Шамсиддин Шоҳини вилояти Хатлон,Тошхўҷа Асирии вилояти Суғд, Садриддин Айнии вилояти Хатлон (ш. Кўлоб) семинар-машваратҳо анҷом дода, барои созишномаҳо ҳамкории дуҷониба ба имзо расониданд.
Гуфта мешавад, ки семинар-машваратҳо  аз 19-ум то 21-уми августи соли равон дар китобхонаҳои системаи марказонидашудаи шаҳру ноҳияҳои тобеи ҷумҳурӣ, аз он ҷумла, шаҳри Роғун, ноҳияҳои Нуробод, Рашт ва Тоҷикобод аз ҷониби кормандони КДПТ баргузор мегарданд. 
Кормандони КДПТ кӯшанд дар баланд бардоштани мақоми китоб дар ҷомеа, тарғибу ташвиқ ва ҷалби наврасону ҷавонон ба китобхонӣ рушди соҳаи китобдорӣ дар ҷумҳурӣ саҳми худро гузоранд.  

 

Август 18, 2015 03:47

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд