Суғд: гранти вилоятӣ барои 30 нафар занони ҳунарманд
Суғд,07.08.2015 (АМИТ “Ховар”, Абдуаҳад Шарифзода).-Субҳи имрӯз, 7 август дар қароргоҳи Сарвари давлат дар шаҳри Хуҷанд ба 30 нафар бонувоне, ки дар озмун барои гирифтани гранти Мақомоти иҷроияи ҳокимияти давлатии вилояти Суғд дар соли 2015 ғолиб гардидаанд, грантҳо дар доираи аз 5 то 10 ҳазор сомонӣ, дар маҷмӯъ 200 ҳазор сомонӣ тақдим карда шуд.
Дар маросими тақдими грантҳо занҳои ҳунарманд аз 18 шаҳру ноҳияи вилоят иштирок доштанд.
Бояд гуфт, ки соли равон барои дарёфти гранти Мақомоти иҷроияи ҳокимияти давлатии вилояти Суғд 50 нафар занон лоиҳаҳои худро ба ҳайати комиссия пешниҳод намуданд, ки аз онҳо танҳо 30 лоиҳа дастгирӣ ёфт.
Тавре масъулин аз Раёсати кор бо занон ва оилаи Мақомоти иҷроияи ҳокимияти давлатии вилояти Суғд баён доштанд, ҳадафи ҳамаи лоиҳаҳои пешниҳодшуда эҳёи ҳунарҳои миллӣ аз қабили қолинбофӣ, сӯзанидӯзӣ, гулдӯзӣ, мӯҳрабофӣ, атласу адрасбофӣ ва таъсиси марказҳои ҳунаромӯзӣ мебошад.
Танҳо як лоиҳа барои коркарди меваҳ ва як лоиҳаи дигар барои ташкили гармхонаи гулпарварӣ буд. Амалишавии тамоми лоиҳаҳои дастгирӣ шуда, имкон медиҳад, ки беш аз 350 нафар бо ҷои кор таъмин гарданд.
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Имрӯз дар Тоҷикистон эҳтимол раъду барқ ба амал ояд
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
Мегафон Тоҷикистон: акнун сӣ «Устоди алоқа»!
