Ташкили фоҳишахона дар манзили истиқоматӣ

Душанбе, 28.08.2015 (АМИТ «Ховар»).- Вазорати корҳои дохилӣ хабар медиҳад, ки 27-уми августи соли равон дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия зани 40-солаи сокини шаҳри Хуҷанд, бо гумони ташкил ва нигоҳ дошти фоҳишахона дастгир гардид. 
Ба иттилои манбаъ, гумонбаршуда хонаи шахсиашро ба фоҳишахона табдил дода, ба сокинони шаҳри Хуҷанд: марди 21-сола ва зани 27-сола, инчунин марди 23-сола ва зани 35-сола, барои алоқаи ҷинсӣ намудан шароит фароҳам оварда, аз ҳар кадом ҷуфт 150-сомонӣ гирифтааст. 
Нисбати далели мазкур парвандаи ҷиноятӣ оғоз гардида, тафтишот идома дорад.