Вакилон аз рухсатӣ бозмегарданд

           Душанбе, 13.08.2015.(АМИТ «Ховар», Марзия Саидзода).- Вакилони палатаи поёнии Парлумони Тоҷикистон -Маҷлиси намояндагон  17 август аз рухсатӣ бармегарданд.
            Муҳаммадато Султонов- котиби матбуотии Маҷлиси намояндагон дар суҳбат ба хабарнигори АМИТ «Ховар» гуфт, ки аз 17 август вакилони палатаи поёнӣ фаъолияти худро дар Кумитаҳои Маҷлиси намояндагон ба роҳ монда, лоиҳаи қонунҳое, ки аз ҷониби Ҳукумати ҷумҳурӣ барои баррасӣ ва қабул ба Маҷлиси намояндагон пешниҳод гардидааст, муҳокима менамоянд. 
          Тибқи дастури Маҷлиси намояндагон вакилони палатаи поёнии Парлумони кишвар  аз 1 октябр  бо оғози иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон даъвати панҷум ба таври расмӣ ба фаъолият шурӯъ менамоянд. Мавриди зикр аст, ки вакилони Маҷлиси намояндагон аз 1 июл то 15 августи соли равон дар рухсати буданд.