Ҷаласаи Шӯрои ВКХ, ВМ ва Кумитаи котибони Шӯрои амнияти СААД дар Душанбе
Душанбе, 15.09.20015. (АМИТ «Ховар»).- Имрӯз дар пойтахти мамлакат- шаҳри Душанбе ҷаласаи муштараки Шӯрои вазирони корҳои хориҷӣ, Шӯрои вазирони мудофиа ва Кумитаи котибони шӯрои амнияти давлатҳои аъзои СААД баргузор гардид. Зимни баргузории ҷаласа рӯзномаи имрӯзаи ҷаласаи Шӯрои муштараки амнияти СААД баррасӣ гардида, тасдиқ шуд. Инчунин дар фарҷоми ҷаласа имзои як зумра созишномаҳо сурат гирифт. Дар назар аст пас аз анҷоми имзои созишномаҳо аъзои Шӯрои вазирони корҳои хориҷӣ, Шӯрои вазирони мудофиа ва Кумитаи котибони шӯрои амнияти СААД ба «Қасри миллат» омада, дар ҷаласаи Шӯрои муштараки амнияти СААД, ки бо иштироки сарони давлатҳои кишварҳои аъзои СААД сурат мегирад, ширкат кунанд. Интизор меравад, ки баъди анҷоми Сессияи Шӯрои муштараки амнияти СААД изҳороти расмии роҳбарони кишварҳои аъзои СААД дар назди намояндагони ВАО сурат гирад.
Ёдовар мешавем, ки аъзои кунунии СААД-ро Тоҷикистон, Арманистон, Беларус, Қазоқистон, Қирғизистон ва Федератсияи Русия ташкил медиҳанд. Имсол раисии СААД-ро Тоҷикистон ба уҳда дорад. Ҳадаф ва вазифаи асосии СААД таҳкими сулҳу субот, амнияти минтақавӣ ва байналмилалӣ,ҳифзи дастаҷамъии истиқлол, тамомияти арзӣ ва соҳибихтиёрии давлатҳои аъзо, ки бо роҳи сиёсӣ ҷиҳати ноил шудан ба онро афзал медонанд, маҳсуб мешавад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






