Ба зарардидагони Ванҷу Рӯшон калиди хонаҳои навбунёд супорида шуд

Душанбе, 21.09.2015, (АМИТ «Ховар»). -Дирӯз муовини сарвазири мамлакат  Азим Иброҳим, раиси ВМКБ  Шодихон Ҷамшед, раиси ноҳияи Ванҷ Давлатбӣ Раҷабова ба соҳибони 8 хоҷагии аз офати табиӣ зарардидаи ноҳияи Ванҷ калиди хонаҳои навбунёдро дар фазои тантанавӣ супориданд.
Ҳамчунин ҳайати баландпояи ҳукуматӣ ба 6 хоҷагии ноҳияи Рӯшон, ки аз офати табиӣ зарар дида буданд, калиди хонаҳои навбунёдро тақдим кард. Бояд зикр кард, ки барои зарардидагони ноҳияи Рӯшон тибқи хоҳиши онҳо 2 хона дар деҳаи Бардара, 3 хона дар деҳаи Дерзуд ва 1 хона дар деҳаи Баррӯшон бо риояи урфу суннатҳои гузаштагон сохта шудаанд.
Корҳои бартарафкунии оқибатҳои офатии табиӣ дар ВМКБ мувофиқи реҷа ва дар баъзе маҳалҳо пеш аз муҳлат ба анҷом расида истодаанд.