Баррасии густариши робитаҳои сиёсӣ ва иқтисодии Тоҷикистону Олмон дар мулоқоти Маликшо Неъматов бо Андреас Пешке
Душанбе, 21.09.2015 (АМИТ «Ховар»).- 18 сентябри соли 2015 Сафири Тоҷикистон дар Олмон Маликшо Неъматов бо Ваколатдори тозатаъйини Вазорати корҳои хориҷии Олмон оид ба Аврупои Шарқӣ, Қафқоз ва Осиёи Марказӣ Андреас Пешке мулоқот намуд.
Зимни вохӯрӣ сатҳи ҳамкории Тоҷикистону Олмон баррасӣ гардида, зарурати густариши робитаҳои сиёсӣ ва иқтисодии ҳар ду кишвар таъкид гардиданд. Зикр гардид, ки мизбони якчанд ҳамоиши байналмилалӣ будани Тоҷикистон дар тӯли имсол нишондиҳандаи рушди босубот ва амнияти кишвар ба ҳисоб рафта, кишвар дар самти таҳкими мавқеи худ дар Ҷомеаи ҷаҳонӣ қадамҳои мустаҳкам гузошта истодааст.
Конфронси сатҳи баланд зери унвони «Об ва муносибатҳои неки ҳамсоягӣ», ки ҳафтаи пеш бо ибтикори бевоситаи Ҳукумати Олмон баргузор гардид, бори дигар собит месозад, ки Олмон ҳавасманди вусъати ҳамкориҳо бо минтақаи Осиёи Марказӣ мебошад.
Бо назардошти сатҳи хуби ҳамкорӣ ва ба марҳалаи навбатӣ гузаштани онҳо пешниҳод гардид, ки комиссияи доимии байниидоравӣ миёни вазоратҳои корҳои хориҷии Тоҷикистон ва Олмон таъсис дода шавад. Пешниҳоди мазкур бо роҳҳои дипломатӣ мавриди баррасӣ қарор мегирад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






