Беш аз 200 санҷиши санитарию гигенӣ дар коргоҳҳои н. Файзобод

Душанбе, 11.09.2015 (АМИТ «Ховар»).-Маркази назорати давлатии санитарию эпидемиологии ноҳияи Файзобод 417 иншоотро, ки  самтҳои фаъолияташон гуногун аст, дар таҳти назорат  дорад. Соли ҷорӣ аз тарафи кормандони марказ дар иншооти  мазкур 248 маротиба санҷишҳои санитарию гигенӣ гузаронида шудаанд.  Мувофиқи  санҷишҳои гузаронидашуда  ҳамагӣ 248 санад, 62 супориши санитарӣ, 66 протокол,  66 қарор оиди бастани ҷарима тартиб дода шудааст. Аз ин шумора 66 нафар ба ҷарима кашида шудаанд, ки маблағи умумии ҷаримаҳо 7160 сомониро ташкил медиҳанд. 
Фаъолияти 4 иншоот бо сабаби ҷавобгӯй набудан ба қойдаву меъёрҳои санитарию гигенӣ боз дошта шудааст. Дар доираи ин санҷишҳо аз мағозаҳои  ноҳия  25 номгӯи маводҳои хӯроквории  муҳлати  истифодабарияшон гузашта, аз фурӯш гирифта шудаанд.