Боздошти 23 ҷангӣ дар Афғонистон, ки қасди ҳамлаҳои террористӣ дар 4 ноҳияро доштанд
Душанбе, 23.09.2015 (АМИТ «Ховар»).- Дар доираи як амалиёт, ки баҳри субот дар Афғонистон дар рӯзҳои таҷлили иди Қурбон равона шудааст, кормандони раёсати амният на камтар аз 23 ҷангиро боздошт карданд. Дар ин бора «Хома-пресс» иттилоъ медиҳад.
Дар ҳисоботи расмии РАМ омадааст, ки боздоштшудагон талош доштанд дар қаламрави ноҳияҳои Ҳилманд, Қандаҳор, Балх ва Нимрӯз ҳамлаҳои террористӣ анҷом диҳанд.
Дар рафти амалиёт, ки ҳамлаҳои террористии калон пешгирӣ шуданд, инчунин аз ифротгароён мототсиклҳои (моторишка) муҷаҳҳаз бо маводи тарканда, камарбандҳои худкушӣ, 6 таҷҳизоти худсози тарканда, 150 кг моддаҳои тарканда, 16 норинҷаки дастӣ, 6 автомати Калашников, мошин, 2 мототсикл ва се ҷуфт либоси ҳарбӣ дарёфт ва мусодира шуданд.
Дар баробари ин, дар қисмати роҳи мошингарди фурудгоҳи Кобул кормандони полис мототсикли бо маводи тарканда муҷаҳҳазро дарёфт карданд. Таҷҳизоти тарканда безарар гардонида шуда, ҳамлаи ифротгароёни номаълум бомуваффақият пешгирӣ шуд.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
