Чин иқдомҳои Тоҷикистонро дар самти таъмини амният ва субот дар ин кишвар дастгирӣ менамояд

Душанбе, 10.09.2015. (АМИТ «Ховар»). – Ҷумҳурии Мардумии Чин иқдомҳои Ҳукумати Ҷумҳурии Тоҷикистонро барои таъмини амнияти давлатӣ ва субот дар ин кишвар дастгирӣ менамояд. Дар ин бора зимни нишасти матбуотӣ Хун Лэй, намояндаи расмии Вазорати корҳои хориҷии ҶМЧ изҳор дошт.
Бино ба иттилои Агентии иттилоотии «Синхуа»,  дипломати чинӣ гуфтааст, ки Чин ва Тоҷикистон ҳамсоягони дӯсти наздик ва шарикони стратегӣ мебошанд. Чин ба ҳамлаи мусаллаҳона дар Тоҷикистон аҳамияти калон медиҳад.
«Ҷониби Чин барои таҳкими ҳамкорӣ бо Тоҷикистон дар соҳаи амният омода буда, тасмим дорад сулҳу субот дар ҳарду кишвар ва минтақаро бо талошҳои муштарак ҳифз намояд», — тазаккур дод намояндаи Вазорати корҳои хориҷии Чин.