Даргузашти ду зоири тоҷик бар асари бемории қалб дар Маккаи мукаррама

Макка,28.09.2015. (АМИТ «Ховар»).-  Дар мавсими  ҳаҷи имсола, ки  ду  маротиба  ҳодисаи  фавқулодда  ба  вуқӯъ  пайвасту сабаби марги  зоирони  зиёд  аз  мамолики  гуногун  гардид,  хушбахтона , аз  ҳоҷиёни  Тоҷикистон  касе осеб  надидааст. Аммо,  мутаассифона, ду нафар  аз модарони тоҷик  — сокини 66- солаи шаҳри Турсунзода  Гулсара Тоҷиева  ва сокини 51- солаи  ноҳияи  Шоҳмансури  шаҳри  Душанбе  Соҷида Норова, ки барои зиёрати  Хонаи Худо ба  сарзамини  муқаддас  сафар намуда  буданд, аз сабаби  бемории қалб, ки қаблан  бар асари он ранҷ  мебурданд, дар  рӯзҳои  ахири  адои  маносики ҳаҷ аз олам  даргузаштанд.