Давлати исломӣ фурӯши узвҳои инсонро оғоз намуд

Душанбе, 15.09.2015 (АМИТ «Ховар»). — Гурӯҳи террористии «Давлати исломӣ» фурӯши узвҳои инсонро  оғоз  намуд.
Барои ин кор  ҷангиён  дар шаҳри Мосули   Ироқ   “дармонгоҳи  махсус»  кушоданд.
Бино ба маълумоти намояндаи расмии Ҳизби демократи Курдистони Ироқ дар Найнава  Саиди Мамузинӣ , ҷангиёни Давлати исломӣ дар яке аз қасрҳои собиқ Президенти Ироқ Саддом Ҳусейн  дар Мосул дармонгоҳеро муҷаҳҳаз  гардониданд,ки ба фурӯш ва хариди узвҳои инсон тахассус дода шудааст.
Ҷангиён дар назди ҳамаи маҳбусони  зиндонҳои шаҳр  интихоб мегузоранд : ё дар шиканҷагоҳ  маргро интизор мешаванд ва ё барои  ба табибони ДИ супоридани узвҳои бадани хеш розигӣ медиҳанд.
Дар ин беморхона барои супоридани  узвҳои дохилӣ   на танҳо аз  ҷисмҳои азияткашидаи  мухолифони ифротгаро, балки аз аъзои ДИ, ки дар вақти даргириҳо  бо қӯшунҳои Ироқ  ба ҳалокат мерасанд,  низ  истифода мешавад.