ДМИТ аъзои CEEMAN мешавад
Душанбе, 30.09.2015. (АМИТ «Ховар»).-Рӯзҳои 23-26 сентябр дар шаҳри Алмаатои Ҷумҳурии Қазоқистон дар мавзӯи «Ҷаҳонишавӣ ва минтақашавии рушди менеҷмент дар ҷамъияти инкишофёбанда» 23-юмин конфронси байналхалқии CEEMAN баргузор шуд. Дар он муовини ректори Донишкадаи молия ва иқтисоди Тоҷикистон (ДМИТ) оид ба робитаҳои байналмилалӣ Баҳром Сафаров ширкат варзид. Дар ҷараёни конфронс Баҳром Сафаров бо президенти CEEMAN Даниса Пург, директори CEEMAN Олга Велигурская ва директори аккредитатсияи байналмилалии CEEMAN Аленка Брасек Лалис вохӯрӣ намуда, оид ба масоили аъзои CEEMAN шудани ДМИТ ва гирифтани аккредитатсияи байналмилалии CEEMAN (IQA) гуфтушунид намуд.
Ҳамзамон мавсуф бо директори CAMAN Шерин Сужикова низ вохӯрда, бобати гирифтани аккредитатсияи минтақавии ин ташкилот гуфтушунид анҷом дод.
Дар доираи конфронс байни Донишкадаи молия ва иқтисоди Тоҷикистон, Донишгоҳи менеҷменти Алмаато, Донишгоҳи шарқии Қирғизистон, Донишкадаи идоракунии давлатии назди Президенти Ҷумҳурии Тоҷикистон, Донишгоҳи давлатии тиҷорати Тоҷикистон, Донишгоҳи давлатии соҳибкории Алмаато ва Донишгоҳи Сингапури Ҷумҳурии Ӯзбекистон протоколи расмӣ оид ба ташкили Консортсиуми илмӣ-таълимии МТО-и Осиёи Марказӣ ба имзо расонида шуд.
Дар натиҷаи вохӯрию гуфтушунидҳо бо намояндагони донишгоҳҳою созмонҳои ҳузурдошта як силсила шартномаҳои ҳамкорӣ ба имзо расиданд, аз ҷумла дастрасӣ пайдо намудан ба Фонди лексияҳои садодор ва дар нимсолаи дуюми соли таҳсили равон дар Донишгоҳи давлатии Норини Қирғизистон ва Донишгоҳи менеҷменти Алмаато ба таҳсил фаро гирифтани 8 донишҷӯи ДМИТ мувофиқа ба амал омад.
Дар ин бора котиби матбуоти ДМИТ Машҳура Абдуллоева хабар дод.
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
