Хандаи ҳусн аз либоси миллӣ

Тоҷикобод, 30.09.2015. (АМИТ «Ховар», Субҳониддини Маҳмуд).-  Бахши кор бо занон ва оилаи  ноҳияи Тоҷикобод бахшида ба соли оила озмунҳои «Хушдомани беҳтарин» ва «Келини беҳтарин»-ро дар ҳудуди ҷамоатҳои шаҳраку деҳот гузаронид ва ба ғолибон туҳфаҳо тақдим гардиданд. 
Инчунин вобаста ба соли оила дар ноҳия аз ҳисоби занҳои фаъол гурӯҳҳои корӣ ташкил шуда, дар байни аҳолӣ ва бо оилаҳои ҷавон корҳои фаҳмондадиҳӣ  ба роҳ монда шуданд.  Натиҷаи ҳамин буд, ки соли равон  ақди никоҳи 9 оила бекор шуд, ки ин нисбат ба соли гузашта 19 ҳолат камтар аст. 
Ба иттилои  Меҳринисо Гадоева,  мудири Бахши кор бо занон ва оилаи  ноҳияи Тоҷикобод ғолибони озмуни ноҳиявӣ ба  озмуни ҷумҳуриявии  «Либосҳои миллӣ ва хандаи ҳусн», ки рӯзи 10 октябри соли равон доир мегардад, роҳхат гирифтанд.