Ифтитоҳи Корхонаи саноатии “Гулоб” дар шаҳри Душанбе
Душанбе, 07.09.2015. (АМИТ «Ховар»). — Имрӯз ҳамчунин дар шаҳри Душанбе Президенти мамлакат Эмомалӣ Раҳмон Корхонаи саноатии “Гулоб”- ро ба истифода дод.
Корхонаи истеҳсоли обҳои ташнашикан аз ҷониби Ҷамъияти Саҳҳомии пӯшидаи “Оби Зулол” бо насби таҷҳизоту технологияи замонавии нав оид ба истеҳсоли обҳои нӯшокӣ ва рангаи хуштамъи ташнашикан сохта шуд.
Иттилоъ дода шуд, ки бунёди корхона дар доираи татбиқи иқдомҳои неки Президенти Ҷумҳурии Тоҷикистон Эмомалӣ Раҳмон оид ба васеъ намудани иқтидорҳои истеҳсолӣ барои харидорӣ ва ворид намудани таҷҳизоти нави технологӣ, зиёд намудани ҷойҳои нави корӣ, баланд бардоштани музди миёнаи меҳнат, афзун намудани ҳаҷми истеҳсоли маҳсулоти хӯрока, бо баланд бардоштани нишондиҳандаҳои иқтисодӣ ва иҷтимоии кишвар, амалӣ шудааст.
Таҷҳизоти истеҳсолӣ аз давлатҳои Италия ва Франсия ворид гардида, барои насби он мутахассисон аз Италия, Шветсария, Белгия ва Франсия ҷалб гардиданд .
Хати нави технологӣ қудрати истеҳсоли обҳои рангаи ташнашиканро дар як соат бо теъдоди 20 000 адад доро мебошад.
Зимни боздид аз корхона Сарвари давлат Эмомалӣ Раҳмон ба соҳибкорон дастур дод, ки пеш аз ҳама ба сифати ин намуди маҳсулот аҳамияти ҷиддӣ диҳанд.
Дар корхона имкони истеҳсоли зарфҳои пластикӣ, таҷҳизоти тайёр намудани нушокиҳо ва ғайра мавҷуд аст.
Барои васлу насби таҷҳизотҳои корхона 3 миллиону 734 ҳазору 605 сомонӣ сарф шудааст.
Ҳаҷми истеҳсоли маҳсулот то ба 60 млн литр баробар буда, 350 нафар шаҳрванд бо ҷойи кори доимӣ таъмин мегарданд.
Баъди шиносоӣ бо шароити корхонаи нав Президенти мамлакат Эмомалӣ Раҳмон дар назди шумораи зиёди фаъолони ноҳияи Исмоили Сомонӣ ва соҳибкорони ватанӣ суханронӣ кард
Сарвари давлат ифтитоҳи корхонаи нави саноатиро ба коргарон муборакбод гуфта, дар бораи дастгирии Ҳукумати мамлакат аз рушди соҳибкорӣ дар кишвар андешаронӣ кард.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






