Комёбиҳои кишоварзон

Ҳисор, 04.09.2015(АМИТ «Ховар», Ҳотами Шариф) Боғдорони ноҳияи Ҳисор нақшаи истеҳсоли маҳсулотро беш аз 120 фоиз иҷро карданд. Имсол онҳо ҳосили фаровони ғалла, мева ва сабзавот парвариш намуданд. Барномаи рушди соҳаи кишоварзӣ солҳои 2010, 2014 натиҷаи хуб дод. Боғпарварон ба ҷои 800 дар масоҳати 1200 гектар замин, боғ бунёд намуда, дар байни дарахтҳо ба сабзавоткорӣ низ машғуланд.
  Деҳқонони хоҷагии ба номи Латиф Муродов аз ҳар як гектар замини картошка 202, 5 сентнерӣ ҳосил ба даст оварданд. Ҳосили руёнидаи кишоварзони хоҷагии «Баракати чорводор» аз ҳар як гектар картошка 350 сентнериро ташкил медиҳад.