Маҳв шудани шахси дуюми гурӯҳи «Давлати исломӣ» тасдиқ шуд
Душанбе, 25.09.2015. (АМИТ «Ховар»). — «Кохи сафед» маълумот дар бораи марги яке аз муовинони асосии роҳбари гурӯҳи ифротгарои ба ном «Давлати исломӣ»- Ҳоҷӣ Мутозро тасдиқ кард.
Бино ба иттилои расонаҳои хабарӣ, Ҳоҷӣ Мутоз шахси дуюм дар гурӯҳи «Давлати исломӣ» буда, зимни амалиёти ҳарбӣ бо истифода аз неруҳои ҳавоии эътилоф дар моҳи августи соли равон маҳв карда шудааст.
Ҳоҷӣ Мутоз дар ин гурӯҳи ифротгаро масъалаҳои молиро бар дӯш дошта, яке аз муовинони асосии роҳбари гурӯҳ Абӯбакр ал-Бағдодӣ маҳсуб мешуд.