Маркази тадқиқоти стратегӣ конфронси ҷумҳуриявӣ баргузор мекунад

Душанбе, 04.09.2015. (АМИТ «Ховар»). — 11-уми сентябри соли ҷорӣ бо мақсади арзёбии дастовардҳои сиёсати хориҷии Ҷумҳурии Тоҷикистон дар даврони истиқлолият, таҳлили ҳадафҳо ва самтҳои асосии сиёсати хориҷӣ, омӯзиши зарфиятҳои асосии дипломатияи Тоҷикистон дар раванди ҷаҳонишавӣ ва таъсири таҳдидҳои нави глобалӣ ба дурнамои сиёсати хориҷии бисёрсамта, таҳти унвони «Хусусиятҳои асосии сиёсати хориҷии Ҷумҳурии Тоҷикистон дар даврони истиқлолият» конфронси ҷумҳуриявии илмӣ баргузор мешавад.
Конфронси мазкур бо ташаббуси Маркази тадқиқоти стратегии назди Президенти Ҷумҳурии Тоҷикистон дар 5 бахш баргузор шуда, дар кори он олимони маъруфи ватаниву хориҷӣ, коршиносон, намояндагони вазорату идораҳои давлатӣ ва корпуси дипломатии муқими Ҷумҳурии Тоҷикистон иштирок мекунанд.