Мулоқоти намояндагони сохторҳои қудратии Тоҷикистон

Душанбе, 30.09.15. (АМИТ «Ховар»).  Дар  шаҳри  Душанбе  мулоқоти воҳидҳои иттилоотию  таҳлилии Кумитаи  давлатии  амнияти  миллӣ, Вазорати  корҳои  дохилӣ, Агентии  назорати  маводи  нашъаовар ва   Хадамоти  гумруки  Тоҷикистон  баргузор  гардид.
Иштирокдорони  мулоқот  масоили  ҷамъоварӣ, таҳлили  ҳамаҷониба ва табодули  иттилооти  байни  мақомоти ҳифзи  ҳуқуқ ва  сохторҳои  қудратӣ,  таълими  кормандон ва таъминот  бо техникаи  компютерӣ,  аз ҷумла таъмини  барномавӣ барои афзун  намудани  самараи мубориза бо  паҳншавии  маводи  мухаддирро   мавриди  муҳокима  қарор  доданд.
Мулоқот  дар  ҳошияи  татбиқи  «Стратегияи  миллии мубориза бо  гардиши  ғайриқонунии  маводи  нашъаовар  дар Ҷумҳурии  Тоҷикистон  барои  солҳои 2013  2020» бо  дастгирии лоиҳаи  Раёсати  СММ  оид ба  маводи  мухаддир  ва  ҷинояткорӣ  «Низомҳои  ҳифзи  ҳуқуқ барои ҷамъоварӣ, таҳлил  ва табодули иттилооти фаврӣ  ва  иттилооти  дигар  дар  бахши  гардиши  ғайриқонунии  маводи  нашъаовар» роҳандозӣ  шуд.