Муроҷиатномаи донишҷӯён аз Аврупо ба мардуми кишвар
Душанбе, 15.09.2015. (АМИТ «Ховар»).
Ҳамватанони азиз,
Чандест ки ҳодисаҳои охири кишварамон хоб аз чашмамон рабуда, моро хотирпарешон, андуҳгину ғамзада кардааст. Зеро дар фазои кишвар ғуборе пайдо гаштааст, ки таҳдид ба оромӣ дошта, нияти аз байн бурдани низоми зиндагии мардумро дорад ва аллакай ҷони чандин нафарони бегуноҳро аз байн рабуд. Мо ҳамарӯза шоҳиди он гашта истодаем, ки чӣ тавр мардуми кишварҳои ҷангзада мубталои муҳоҷирати иҷборӣ гардида, ҳаёти осоиштаи онҳо халалдору талх гардидааст, ки заминаи асосии он маҳз ба дин ва тундгароёни динӣ марбут аст. Бинобар ин, мо ҳаракатҳои Абдуҳалим Назарзода ва ҳаммаслаконашро ки кушиши дубора оғуштаи хоку хун кардани Ватани азизи моро доштанд қатъиян маҳкум менамоем. Бо баҳонаи ҳимоят аз дин ва ҲНИТ ба даст гирифтани яроқ ва куштани мардуми бегуноҳ худ тундгароист. Дар фазои мазҳабии кишвар ҲНИТ ҳеҷ гоҳ нақши калидӣ надошта, садди роҳи тундгароӣ шуда наметавонад ва баръакс побанди он буда, дар лаҳзаи даркорӣ аз тундгароён кор мегирад, ё ноилоҷ аз он итоат ва ё пуштибонӣ хоҳад кард. Ҳизби номбурда дар фаъолияти сиёсии худ танҳо аз ҳисоби ҳаққи эҳтироми мардум ба дини мубини ислом истифода намуда, ғайримустақим маҳз ба табақаи тундгаро такя менамояд, зеро равшанфикрон миёни ин тоифа нақши боризе надоранд. Бинобар ин мавҷудияти чунин ҳизб маҳак ва заминаи асосии барангехтани кинаву адовати динӣ-мазҳабӣ ва бесуботии кишвар буда, доштани ҳаққи вуҷудашро зери суол мебарад.
Ҳамватанони азиз, Тоҷикистон киштиест, ки дар уқёнуси пурталотуми сиёсати ҷаҳонӣ ба сӯйи соҳили мурод шино дорад ва мо фарзандони ин кишвар бояд бодбонҳое бошем, ки барои расидани он ба манзил ҳамаҷониба мусоидат намоем, вагарна бо чунин афроди хоину ватанфурӯш ба мисли “ҳоҷӣ Ҳалим”-у Гулмурод, туғёни бераҳми ин уқёнус ҷасади моро ба мисли писарбачаи сесолаи курдӣ оғуштаи хуну хок ба соҳил хоҳад бурд.
Гурӯҳи донишҷуёни тоҷик дар Аврупо,
ҷамъ 120 нафар








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






