Намоиш-фурӯши маҳсулоти кишоварзӣ дар арафаи иди Қурбон

Душанбе, 23.09.2015  (АМИТ «Ховар»).-Имрӯз бахшида ба Иди Қурбон дар Регистони Панҷшанбеи маркази вилояти Суғд намоиш-фурӯши маҳсулоти кишоварзӣ баргузор шуд.
Ярмаркаи мазкур  дар асоси дастуру супоришҳои раиси вилоят бо мақсади дастрасии қишрҳои гуногуни ҷомеа ба маҳсулоти кишоварзиву маводи ғизоӣ ташкил карда шуд. Дар он кишоварзони шаҳру навоҳии вилоят маҳсулоти гуногуни хешро аз қабили биринҷ, картошка, харбузаву тарбуз, ангур, карам, сабзӣ ва дигар навъҳои сабзавоту меваҷот бо нархҳои аз 30 то 40 фоиз арзон пешкаши сокинон ва меҳмонони маркази вилоят намуданд.
Дар ярмарка ҳамзамон ҷамъияти матлуботи вилоят, Агентии захираҳои моддии давлатии назди Ҳукумати Ҷумҳурии Тоҷикистон маҳсулоти ниёзи аввалияро ба фурӯш гузоштанд.